poetry & sms

BOhat Takleef Deti Hain Teri Yaadain,, WOh Sab Baatein
Faqat Itna Hi Kehna Tha, SunO Tum LOut AaO Na........

JhalaKti Hai TaSveerr UsKi BariSh Ki B0nd0n Main”..
Aaj Phir Bheeg Bethy Usy Paany Ki Chaah Main”…!!

Apny Siwa kabi Kuch Mila bi hai Tumhe
So Baar ly Chuke ho Mere Dil ki Talashiyaa????

Pata hai muntazir rehna, buhut takleef deta hai,
Bata kar hee chalay jatey, agar jana zaroori thaa...

Badal Gya Kyun Mizaaj Uska Kuch Hi Mudaat Me....
Wo Jo Kehta Tha Badalte Hwe Log Use Ache Nahi Lgte....

Teri Yaad0n Sy Bach Nikl00n Mujhy Tadbeer De K0i
Meri Jaanib Sy Her Rasta Teri Jaanib Nikalta Hai..

“TUM” Ne Hi Kaha Tha K Aankh Bhar K Dekh Liya Karo

“MUjHE”!…

Ab Aankh To Bhar Aati Hai Per “TUM” Nazar Nahi Aatey...

Na hona bay-muravat,na be-rukhi dikhana

Bus saadgi se khena" Tum bojh ban gae ho"

Mohbat rooth jaye to usy jaldi mana lena
Bht hi pas ho kar tum usy jane nai dena
Wo dammn bhi churaye to usy tm qasam dy dena
Dilon ke mamley mai aksar khtain ho hi jati hain
Tum in khtaon ko bhana mat bna lena
Mohbbat rooth jaye to use jaldi mana lena__,,,

Beyan Kr Un Se Mera Haal-e-Dil Ae Hawa....
Wo Shakhs Ye Na Smjhe Us Ki Yaad Nahi Ati...

abhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat HAY —

Mudatein Ho Gain Khata Karty karty

Sharam Aati Hey Ab Dua Kartey huye..!!

Dekho Tere Hatho Ko To Lagta Hai Tere Hath..

Mandir mai faqat deep jalane k liye hain..

Main To Apni Roh Ki Poshak Bhi Usko De Doo..

Par Shart Hai Ke Wo Bhi Tamam Mera Ho..

Mere Khamosh Rehne Se Naraz Mat Huwa Karo..

Kehte Hain Jin Ka Dil Tota Ho Wo Log Aksar Khamosh Rehte Hain....

Kash K Lamhe Bhar K Lie Ruk Jaye Zameen Ki Gardish
 Or KOi Awaaz Na Ho Thumare Dil Ki Dharkano K Siwaa ...!

Saari Duniya Ke Rooth janey Sey Mujhey Gharz Nahe,

 Bas Aik Tera Khaamosh Rehna Mujhey Takleef Deta Hai’_ ?

S0ng of D day
 Tu mera thikana, mera aashiyana
 Dhale shaam jab bhi, mere paas aana
 Hai baahon mein rehna, Kahin abb naa
 jana Hoon mehfooz inme, bura hai zamana
 Bas sare gham mein jaana, sang hoon
 tere
 Har ek mausam me jaana, sang hoon tere...... ♥

Hum hawa nahi jo kho jayenge,
 Waqt nahi jo guzar jayenge,
 Hum mausam nahi jo badal jayenge,
 Hum to aansu hai jo khushi aur ghum dono me saath nibhaenge....

Mujhe Kehta tha Jhooti Hai Teri Bekar Se Baate

 Magar Lagta Hai Wo Meri Unhi Baaton Pe Marta tha.....!

..Phool Pey Haath Lagein Haath Main Kaanta Na Chubhay,
 Aap Bhi Aye Hain Kiya Khoub Tamanna Ley Kar..

Sari Raat Na Soye Hum,
 Raato Ko Uth Ke Kitna Roye
 Hum,
 Bas Ek Baar Mera Kasur Bata De
 RABBA''
 Itna Pyaar Karke Bhi Kyon Naa Kisi Ke Hue Hum…

Ab TO Awaaz Bhi Do Tou Nhi Aon Gi,,,

 Tootne Waaly Qayamat Ki Anaa Rkhty Hen,,,,,,,

"Aus Ki Mohabbat Ka Silsila Bhi Kiya Ajeeb Tha,

Appna Bhi na Banaya Or kesi Ka Hone Bhi Nhi DIya."

Haasil-e-zindagi hasraton ke Siwa kuch bhi nahi..

Yeh Kiya nahi, woh huwa nahi, yeh mila nahi, woh raha nahi...!!

Umeed-e-Wafa Karoon To Kis Se Karoon ,,

Mujhe To Meri Zindagi Bhi Bewafa Lagti Hai...!

Hameen smjhao na tum hameen Maloom hai sb kuch

Muhbbat mashwra hoti tu tum se poch kar karty.....!

Mohaabat naam hai jiska wo aisi qaid hai,,,,

K umren beet jati hain , saza pori nahi hoti......

Pathar Hai Tery Hath Mai Ya Koi Phool Hai,

Jb Tu Qabul Hai, Tera Sub Kuch Qabul Hai,

Phr Tu Ne De Diya Hai Naya Faasla Mjhy,

Sar Par Abhi Tu Pichli Masaft Ki Dhool Hai,

Tu Dil Py Bojh Lekr Mulaqat Ko Na Aa,

Milna Hai Istrha Tu Bichrna Qabul Hai,

Tu Yar Hai To Itni Kari Guftgu Na Kr,

Tera Asool Hai Tu Mera B Asool Hai,

Lafzon Ki Aabro Ko Gnwa Na Yun Adeem,

Jo Maanta Nhi, Usy Kehna Fazul Hai.....!!!

Tanha ghar se bahir jana theek nhi

Tum Masoom ho, aur zamana theek nhi

Saaf dilon ko phir se maila kar dainge

Guzri baton ko dohrana theek nhi

Aisi Chezain door se achi lagti hain

Chand ko apne pas bulana theek nhi

Aao mere hath pe apna hath rakho

Saa'el ko khali lotana theek nhi

Rafta Rafta Tabeeren beh jati hain

Num ankhon me khuab sajana theek nhi

Ae dost in Pather dil insano ko

Apne dil ka haal sunana theek nhi

Sehra Mein Khila phool mujhe tu lagtaa he
Itnaa pyaraa tu snam, dil ko mere lagta he
Khizaa ke mosam mei, khill uthee kaliyaa jese
Teraa shabaab jahaa mei, aesa lagtaa he
Bhatak raha tha kab se, mei to sehra mei
Tera milnaa khizaa mei, bahaar lagta he
Duaa ye karte hei, abb to hum shamo sehar
Milaa na tu agr, ye jinaa szaa sa lagtaa he

writen hameeda ameer

hamane duniyaa me.n aake kyaa dekhaa
dekhaa jo kuchh so Khvaab-saa dekhaa

hai to insaan Khaak kaa putalaa
lek paanii kaa bul-bulaa dekhaa

Khuub dekhaa jahaa.N ke Khuubaa.N ko
ek tujh saa na duusaraa dekhaa

ek dam par havaa na baa.Ndh habaab
dam ko dam bhar me.n yaa.N havaa dekhaa

na huye terii Khaak-e-paa ham ne
Khaak me.n aap ko milaa dekhaa

ab na diije "Zafar" kisii ko dil
ki jise dekhaa bevafaa dekhaa

dil kii merii beqaraarii mujh se kuchh puuchho nahii.n
shab kii merii aah-o-zaarii mujh se kuchh puuchho nahii.n

baar-e-Gam se mujh pe roz-e-hijr me.n ik ik gha.Dii
kyaa kahuu.N hai kaisii bhaarii mujh se kuchh puuchho nahii.n

merii suurat hii se bas maaluum kar lo ham-damo
tum haqiiqat merii saarii mujh se kuchh puuchho nahii.n

shaam se taa-subah jo bistar pe tum bin raat ko
mai.n ne kii aKhtar-shumaarii mujh se kuchh puuchho nahii.n

ai "Zafar" jo haal hai meraa karuu.Ngaa gar bayaa.N
hogii un kii sharm-saarii mujh se kuchh puuchho nahii.n

baat karanii mujhe mushkil kabhii aisii to na thii
jaisii ab hai terii mahafil kabhii aisii to na thii

le gayaa chhiin ke kaun aaj teraa sabr-o-qarar
beqaraarii tujhe ai dil kabhii aisii to na thii

chashm-e-qaatil merii dushman thii hameshaa lekin
jaise ab ho ga_ii qaatil kabhii aisii to na thii

un kii aa.Nkho.n ne Khudaa jaane kiyaa kyaa jaaduu
ke tabiiyat merii maa_il kabhii aisii to na thii

aks-e-ruKh-e-yaar ne kis se hai tujhe chamakaayaa
taab tujh me.n maah-e-kaamil kabhii aisii to na thii

kyaa sabab tuu jo biga.Dataa hai "Zafar" se har baar
Khuu terii huur-e-shamaa_il kabhii aisii to na thii

safar me.n raah ke aashob se na Dar jaanaa
pa.De jo aag kaa dariyaa to paar kar jaanaa

ye ik ishaaraa hai aafaat-e-naagahaanii kaa
kisii jagah se pari.ndo.n kaa kuuch kar jaanaa

ye intaqaam hai dasht-e-balaa se baadal kaa
samu.ndaro.n pe barasate hue guzar jaanaa

tumhaaraa qurb bhii duurii kaa istiaaraa hai
ki jaise chaa.Nd kaa taalaab me.n utar aanaa

merii yaqii.n ko ba.Daa badagumaan kar ke gayaa
duaa-e-niim_shab teraa be-asar jaanaa

ajab hai.n rasm-e-gah-e-zindagii ki ye a.ndaaz
usii ne vaar kiyaa jisane besipar jaanaa

hamaare dam se hii aavaargii-e-shab thii
hame.n ajiib lage ab shaam hii se ghar jaanaa

is raah-e- muhabbat me.n tuu saath agar hotaa
har gaam pe gul khilate Khushbuu kaa safar hotaa

uThataa mere pahaluu se vo mehr-e-shanaasaa_ii
ik roz to aisaa bhii aaGaaz-e-sahar hotaa

ashk-e-sar-e-mizshgaa.N ko chun letaa vo palko.n se
ik roz to aisaa bhii diidaa-e-tar hotaa

ye tark-e-ta’alluq kii sun lete nasihat bhii
"Tashna" jo ko_ii us kaa mahabuub-e-nazar hotaa

Koi mujhko mera bharpoor saraapa ladey
Mere baazoo meri aankhen mera chehra la dey

Aisa dariya jo kisi aur samandar mai girey
Is se behter hai ke mujhko mera sehra la dey

Kuchh nahee chahiye tujh se meri ai umr-e-rawan
Mera bachpan mere jugnoo meri gudia laa dey

Jiski aankhen mujhe ander se bhi padh sakti hon
Koi chehra to mere sheher mai aisa la dey

Kishti-e-jaan to bhanwar mai hai kai barson se
Ai Khuda ab to dubo dey ya kinara la dey

tumne to kah diyaa ke muhabbat nahiiN milii
mujh ko to ye bhii kahne kii fursat nahiiN milii

niiNdoN ke der jaate ko?ii Khvaab dekhte
lekin diyaa jalaane kii fursat nahiiN milii

tujh ko Khair shah?r ke logoN kaa Khauf thaa
aur mujh ko apne ghar se ijaazat nahiiN milii

phir iKhtilaaf-e-raaye kii suurat nikal paRii
apnii yahaaN kisii se bhii aadat nahiiN milii

be-zaar yuuN hu?e ke tere ahd meN hamiiN
sab kuch milaa‚ sukuuN kii daulat nahiiN milii

Hawa Ko Likhna Jo Aa Gaya Hai
Ab Us Ki Marzi
K Woh Khizaa.n K Bahaar Likh De
Bahaar Ko Intzaar Likh De
Safar Ki Khwahish Ko Wahamo.n K Azaab Se Humkinaar Likh De
Wafa K Rasto.n Pe Chalne Walo.n
Ki Qismato.n Mein Ghubaar Likh De
Hawa Ko Likhna Jo Aa Gaya Hai
Hawa Ki Marzi K Wisal Mausam Mein Hijr Ko Hissa-Daar Likh De
Muhabbaton Mein Guzarne Wali Ruto.n Ko Naa-Paidaar Likh De
Shajar Ko Kum-Sayadaar Likh De
Hawa Ko Likhna Sikhaane Waalo
Hawa Ko Likhna Jo Aa Gaya Hai..!!!

dhondnay jis mein zindagi nikli
woh us shakhs ki gali nikili

teray lehjay mein kia nehi tha
sirf such ki zara si kami nikli

woh jo legti thi kanch ki guriya
zarb perhnay pe aahini nikli

us haveli mein shaam dhelnay per
her dereechay se roshni nikli

woh hawa tu nehi thi lerki thi
kis liye itni sirphri nikli

woh teray asmaan ka kia kerti
jis ki mitti se dosti nikli

Mairay saathi
Mairee yeh rooh mairay jisam say parvaz kar jaye
to lot ana
mairee baykhuwab raaton kay azabon per
sisaktay shahar mai tum bhi
zara see dair ko rukna
mairay baynoor honton ki duaoon per
tum apni sard payshani ka pathar rakh kay ro daina
buss itnee baat kah daina
MUJHE TUM SAY MOHABBAT HAI

MUJH KO RUSWA SARE MEHFIL TO NA KERWAYA KARE
KAASH ANSOO MERI ANKHON MAI HI REH JAAYA KARE

AI HAWA MAINE TO BAS USKA PATA POOCHHA THAA
AB KAHAANI TO NA HAR BAAT KI BAN JAAYA KAREY

BAS BAHUT DEKH LIYE KHWAAB SUNAAHEY DIN KE
AB WO BATON KI RIFAQAT SE NA BEHLAAYA KAREY

IK MUSEEBAT TO NAHEE TOOTEE HAI SO IS DIL PER
JIS QAYAMAT NE GUZARNA HAI GUZAR JAAYA KAREY

DIL NE AB SOCH LIYAA HAI KE YEH ZALIM DUNIAA
JO BHI KERNA HAI KAREY MUJH KO NA ULJHAYA KAREY

JIS KE KHWABON KO MAI AANKHON MAI SAJA KER RAKKHOON
USKI KHUSHBOO KABHI MUJH KO BHI TO MEHKAAYA KAREY

Wahmay Saray tery apnay hain
hum khan tuj ko bhool saktay hain

meri Aankhoo mai ek Mudet say
Qaflay Rutjagoo k tehray hain

Sir burhana hawaoo say Pocho
Zaeqay Hijratoo k kaisay hain

Baaz ouqaat Khushek pattay bhi
Paaoo perty hain Cheekh Utthtay hain

ishiq k Khush Gumaan Mosem mai
pethroo mai Gulaab khiltay hai

Humein yeh rooz-o-shub ka silsil acha nahi lugta
Kisi se baat kerna ho’ koyi bhi zakhm bhurna ho

Kabhi beyhaal hoker koey jana se guzarna ho
Tumhari yaad mein rehna ho keh khud se mukurna ho

Kisi harf-e-tasali se yeh dil ka zakhm bhurna ho
Mohababt ki dowa honton pe rukh ke muskurana ho

Darakhtun pe tumahra naam likh ker bhool jana ho
Kisi beykhawaab shub mein chashm-e-weraan ko sulana ho

Tumhari kushboowon se kheema-e-jaaa’n ko sajana ho
Ya phir shehur-e-sakoot-e-shaam-e-ghum mein geet gana ho

Yunhi beywajha keefiyut mein ashkon ko bahana ho
Kisi jazbey ka bhi chehra humein sacha nahi lugta

KEH UB TAO ROOZ-O-SHUB KA SILSILA ACHA NAHI LUGTA

kah diyaa ke muhabbat nahiiN milii
mujh ko to ye bhii kahne kii fursat nahiiN milii

niiNdoN ke der jaate ko?ii Khvaab dekhte
lekin diyaa jalaane kii fursat nahiiN milii

tujh ko Khair shah?r ke logoN kaa Khauf thaa
aur mujh ko apne ghar se ijaazat nahiiN milii

phir iKhtilaaf-e-raaye kii suurat nikal paRii
apnii yahaaN kisii se bhii aadat nahiiN milii

be-zaar yuuN hu?e ke tere ahd meN hamiiN
sab kuch milaa‚ sukuuN kii daulat nahiiN milii

woh baat baat mein itna badalta jaata hai
keh jis tarhaan koi wadda badalta jaata hai

Yeh arzoo thi keh hum us kay sath sath challain
magar woh shakhas tu rasta badalta jata hai

jo taiz dhoop mein sar par raha wohi anchal
hawa chali hai tu kitna badalta jata hai

ruttein visaal ki aab khawb honay wali hein
keh us ki baat ka lehja badalta jaata hai

woh baat kar jisay duniya bhi mo?atbar samjhay
tujhay khabar zamana badalta jaata hai

yeh arzoo thi keh hum uss kay sath sath chalain
magar woh shakhas tu raasta badalta jata hai

mohabbatain jab shumaar karna to saazishain bhi shumar karna
jo mairay hissay main aai hain wo aziyyatain bhi shumaar karna

jalaey rakhon gi subha tak main tumharay raston main apni aankhain
magar kahin zabt tout jaey to baarishain bhi shumaar karna

jo harf koh-e-wafa pay likhhay huey hain unn ko bhi daikh laina
jo raaigaan ho gain wo saari ebaratain bhi shumaar karna

yeh sardion ka udaas mousam kay dharkanain barf ho gai hain
jab inn ki yakh bas’tagi parakhna tamazatain bhi shumar karna

tum apni majboriyoun kay qissay zaror likhna wazahaton say
jo mairee aankhon main jall bujhi hain wo khwahishain bhi shumaar karna

Hawa kay hathon ki meherbaani se dar gaaye hain
Yeh phool khushboo ki raye gain se dar gaaye hain

Humein bhi rukhsat ki rasam kuch tu nibahna thi
Tumhaari aankhon mein aaye paani se dar gaaye hain

Yeh teer jitney fizaa main aakar thair gaaye hain
Kisi parinday ki bay zubaani se dar gaaye hain

Inhein bhi dariya main apni kashti utarna thi
Jo log lehron ki sar giraani se dar gaaye hain

Yeh hum jo sheher-ewafa main gumsum kharay hue hain
Phir ik taaza ghalat bayani se dar gaaye hain

Abhi tu dil ko udaas karti nahiin hain shaamein
Abhi se kyun ghum ki hukumraani se dar gaaye hain

Humein bhi saahil pe geet likhna the seepiyon se
Magar hawaon ki meherbaaniyon se dar gaaye hain

Dard ki lay madham tu ho
Dhund kahiin per kam tu ho

But saazi hum jaan gaye hain
Laiken mitti nam tu ho

Umar ka saath kahaan maanga hai
Phir bhi chaar qadam tu ho

Shaam ka raqs bhi ho jaaye ga
Dhoop ki shiddat kam tu ho

Mehfil-e-shab bhi saj jaaye gi
Koi shareek-e- ghum tu ho

Jaan pe she jaatay the laiken
Koi aik sitam tu ho

Bas ik shab kay liy wasal-e-yaar main rehna
Phir uskay baad reh-e-intizaar main rehna

Kabhi sukon kabhi khalafshaar main rehna
Humein azeez teray ikhtiyaar main rehna

Woh bay iraada teri khushbouon ko choo lena
Phir ik ajeeb se kaif-o-khumaar main rehna

Woh ik pal kay liye arzoo mohabbat ki
Phir ik umar safar kay ghubaar main rehna

Meri dua ko kahiin raasta nahiin milta
Jahaan bhi rehna isi intishaar main rehna

aivaan-e-adaalat me.n
 patharaa_ii hu_ii aa.Nkhe.n
 patharaaye hue chehare
 patharaa_ii hu_ii saa.Nse.n
 chama.De kii zubaano.n par
 patharaa_ii hu_ii baate.n

 fariyaad kaTaghare me.n
 ro ro ke ta.Dapatii thii
 qaanuun ke rakhavaale
 kal le ke gaye jis ko
 ab us ko yahaa.N laaye.n
 vo naash to dikhalaaye.n

 patharaaye hue chehare
 ek dam ko_ii dil dha.Dakaa
 sholaa-saa kahii.n bha.Dakaa
 jab tak ki ko_ii samajhe
 lo phuut bahe dhaare
 aavaaze.n mile baaham
 aur guu.Nj uThe naare
 maasuum-sii jaano.n ke
 betaab javaano.n ke
 kyaa shor lahuu kaa thaa
 kyaa guu.Nj thii naaro.n me.n

 aivaan-e-adaalat me.n
 patharaaye hue kamare
 dam rok ke sunate the
 jab surKh salaam aayaa
 maqatuul kaa naam aayaa
 ghuu.Nsaa-saa lagaa dil par
 aa.Nkho.n se lahuu phuuTaa
 jiite raho dil vaalo
 patthar to ko_ii TuuTaa




mausam ke Khushk patte
 havaa jinhe.n le ga_ii u.Daakar
 agar kabhii in ko dekh paao
 to soch lenaa
 ki in me.n har barg ke namuu me.n
 ziyaa.N gayaa arq shaaKh-e-gul kaa
 kabhii ye sar_sabz ko.npale.n the
 kabhii ye shaadaab bhii rahe hai.n
 khule huye ho.nTh kii tarah narm aur shaguftaa
 bahut dino.n tak
 ye sabz patte
 havaa ke relo.n me.n bebasii se ta.Dap chuke hai.n
 magar ab ye Khushk ho rahe hai.n
 magar ye ab Khushk ho chuke hai.n
 agar kabhii is taraf se guzaro
 to dekh lenaa
 barahanaa shaaKhe.n havaa ke dil me.n ga.Dii hu_ii hai.n
 ye ab tumhaare liye nahii.n hai.n

 mujh se pahalii sii mohabbat merii mahabuub na maa.Ng

 mai.n ne samajhaa thaa ki tuu hai to daraKhshaa.N hai hayaat
 teraa Gam hai to Gam-e-dahar kaa jhaga.Daa kyaa hai
 terii suurat se hai aalam me.n bahaaro.n ko sabaat
 terii aa.Nkho.n ke sivaa duniyaa me.n rakkhaa kyaa hai (*)
 tuu jo mil jaaye to taqadiir niguu.N ho jaaye
 yuu.N na thaa mai.n ne faqat chaahaa thaa yuu.N ho jaaye
 aur bhii dukh hai.n zamaane me.n mohabbat ke sivaa
 raahate.n aur bhii hai.n vasl kii raahat ke sivaa

 mujh se pahalii sii mohabbat merii mahabuub na maa.Ng

 anaginat sadiyo.n ke taariik bahimaanaa talism
 resham-o-atalas-o-kam_Khvaab me.n bunavaaye huye
 jaa-ba-jaa bikate huye kuuchaa-o-baazaar me.n jism
 Khaak me.n litha.De huye Khuun me.n nahalaaye huye
 jism nikale huye amaraaz ke tannuuro.n se
 piip bahatii hu_ii galate huye naasuuro.n se
 lauT jaatii hai udhar ko bhii nazar kyaa kiije
 ab bhii dil_kash hai teraa husn maGar kyaa kiije
 aur bhii dukh hai.n zamaane me.n mohabbat ke sivaa
 raahate.n aur bhii hai.n vasl kii raahat ke sivaa
 mujh se pahalii sii mohabbat merii mahabuub na maa.Ng

Bulla ki jaana main kaun
 Bulla ki jaana main kaun
 Bulla ki jaana main kaun
 Bulla ki jaana main kaun

 Na main moman vich maseetan
 Na main vich kufar dian reetan
 Na main pakan vich paleetan

 Na main andar bed kitaban
 Na main rehnda phaang sharaban
 Na main rehnda mast kharaban

 Na main shadi na ghamnaki
 Na main vich paleetan pakeen
 Na main aaabi na main khaki

 Na main aatish na main paun
 Bulla ki jana main kaun
 Bulla ki jana main kaun
 Bulla ki jana main kaun
 Bulla ki jana main kaun

 Na main arabi na lahori
 Na main hindi shehar Nagaori
 Na hindu na turk pashauri

 Na main bhet mazhab de paya
 Na main aadam hawwa jaya
 Na koi apna naam dharaya

 Avval aakhar aap nu jana
 Na koi dooja hor pacchana
 Mai ton na koi hor syana

 Bulle shah kharha hai kaun
 Bulla ki jaana main kaun
 Bulla ki jaana main kaun
 Bulla ki jaana main kaun
 Bulla ki jaana main kaun

 Na main moosa na pharoah
 Na main jagan na vich saun
 Na main aatish na main paun
 Na main rahnda vich Nadaun
 Na main baitthan na vich bhaun
 Bulle shah kharha hai kaun

 Bulla ki jaana main kaun
 oooooo...
 Bulla ki jaana main kaun