aaj ke naam
aur
aaj ke Gam ke naam
aaj kaa Gam ki hai zindagii ke bhare gulasitaa.N se Khafaa
zard patto.n kaa ban
zard patto.n kaa ban jo meraa des hai
dard kaa a.njuman jo meraa des hai
kilarko.n kii afasurdaa jaano.n ke naam
kirm_Khurdaa dilo.n aur zabaano.n ke naam
posT-mai.no.n ke naam
Ta.ngewaalo.n ke naam
rel_baano.n ke naam
kaaraKhaano.n ke bhole jiyaalo.n ke naam
baadashaah-e-jahaa.N‚ waali-e-maasivaa‚ nae_bullaah-e-fil-arz‚ dahakaa.N ke naam
jis ke Dhoro.n ko zaalim ha.Nkaa le gaye
jis kii beTii ko Daakuu uThaa le gaye
haath bhar Khet se ek a.ngusht paTavaar ne kaaT lii hai
duusarii maaliye ke bahaane se sarakaar ne kaaT lii hai
jis ke pag zor waalo.n ke paa.Nvo.n tale
dhajjiyaa.N ho gayi hai
un duKhii maao.n ke naam
raat me.n jin ke bachche bilaKhate hai.n aur
nii.nd kii maar khaaye hue baazuuo.n se sa.Nbhalate nahii.n
dukh bataate nahii.n
minnato.n zaariyo.n se bahalate nahii.n
un hasiinaao.n ke naam
jinakii aa.Nkho.n ke gul
chilamano.n aur daricho.n kii belo.n pe bekaar khil khil ke
murjhaa gaye hai.n
un byaahataao.n ke naam
jinake badan
be_mohabbat riyaakaar sejo.n pe saj saj ke ukataa gaye hai.n
bewaao.n ke naam
kata.Diyo.n aur galiyo.n‚ muhallo.n ke naam
jinakii naapaak Khaashaak se chaa.Nd raato.n
ko aa aa ke karataa hai aksar wazuu
jinakii saayo.n me.n karatii hai aaho-bukaa
aa.Nchalo.n kii hinaa
chuu.Diyo.n kii khanak
kaakulo.n kii mahak
aarazuuma.nd siino.n kii apane pasiine me.n jalane kii buu
pa.Danewaalo.n ke naam
wo jo asahaab-e- tablo-alam
ke daro.n par kitaab aur qalam
kaa takaazaa liye‚ haath phailaaye
pahu.Nche‚ magar lauT kar ghar na aaye
vo maasuum jo bholepan me.n
wahaa.N apane na.nhe chiraaGo.n me.n lau kii lagan
le ke pahu.Nche jahaa.N
ba.NT rahe the ghaTaaTop‚ be-a.nt raato.n ke saaye
un asiiro.n ke naam
jin ke siino.n me.n fardaa ke shabataab gauhar
jel_Khaano.n kii shoriidaa raato.n kii sar-sar me.n
jal-jal ke a.njum-numaa.N ho gaye hai.n
aanewaale dino.n ke safiiro.n ke naam
vo jo Khushbuu-e-gul kii tarah
apane paiGaam par Khud fidaa ho gaye hai.n
**Left incomplete by Faiz**
Humein khabar hai
Tamaam dukh hai
Yeh zindaagi ko jo aasmaano ki wasaaton say
Hazaar sadiyon se mil raha hai
Piyaam dukh hai
Jo karzaar-e-zawaal-e-hasti ko
Dhoop chauon ki aahaton se chal raha hai
Nizaam-e-dukh hai..
Seher tu ikn mukhtasir sag hum hai
Tauveel din ki havailiyon kay
Jo raaston main thair gayi hain..
Who sham dukh hai..
Who shaam dukh hai
Kay iski shay per kayi dino se
Musaafiran-e-abad ka aisay firaaq asaar raaston per
Safar tu khair ik ulmiya hai
Qayaam dukh hai?
Yeh as dukh hai‚niraas dukh hai
Udaasiyon ka libaas dukh hai
Yeh tashangi jo azaab ban kart hair gaayi hai
Badan kay boseedah saahilon per
Tu uska ahd-e-dawaam dukh hai
Yeh shor karti hawa ka sara kharaam dukh hai
Humein khabar hai
Tyamaam dukh hai
Yeh tum mohabbat nibahtay ho
Tu us mohabbat ka naam dukh hai
Yeh wasal mausam jo ik musalsal mughalta hai
Tu us rifaaqat ka naam dukh hai
Aur aisi wehshat numaan fiza main
Khamosh rehna bhi ik saza hai
Magar kisi se kalaam dukh hai
Humein khabar hai
Tamaam dukh hai???..
Meri beti!
Meray honay ki dalil
Sach yeh hi hai..tu meri
Kisi takhleek kay be missal hunar se mehroom
Zard si kaukh ka hissa to nahiin hai laikn
Teray hi lams kay masoom tuqadas kay tufeel
Main en maaon kay tafakhar ka sukon paaya hai
Soch ne ik naya ndaaz-e- namon paaya hai
Main juda tujh se hui tu yub mehsoos hua
Kay meri maan bhi mujh se yun bichar jaanay per
Raaat bhar kaise tarapti hogi
Bat be baat pe sisakti hogi
Uska aanchal bhi sitaaron kay talay
Meri tauqer ki khawahish kartay
Subah tak phaila hi rehta hoga
Who bhi tu meri tarhan!
Apni beti kay mqadar kay liye
Kabhi mehtaab kabhi jugnoo se
Roshni mangti hogii
Mujhko bhi teray har ik khawab ko paanay ki talab ne beti!
Aaj yehj wasaf dua sikhlaya
Kis ko khte hain wafa samjhaya
Meri beti
Meri tazeen-e-haya
Tu na hoti tu kahan yeh bheed khulta mujh per
Kyun meray pyaaray nabi(s.a.w)saeedna
Apni beti kay liye chasham-e-rah rehte the
Jab mulaaqaat ko who aati thi
Chandni jaisi dua dete the
Aur takreem-o-pazeerayi ko
Apni sau rehmaton waali kamli
Aisi dharti pe bicha dete the
Aasmaan jaisay meherbaan hua karta tha
Meri beti!
Meray rab ki tasweer
Tera is rooh setazeem ka rishta bhi
Ajab rishta hai???..